Quran aai behe mau'loomaathu

ކީރިތި ޤުރުއާނާ ބެހޭ ބައެއް މަޢްލޫމާތު

ލިޔުނީ: ޒީނަތު ލަބީބު.

1-      ޤުރުއާން ބާވައިލެއްވުނީ ރަމަޟާންމަހުގައެވެ.

2-      ޤުރުއާން ބާވައިލެއްވުނީ ނޫރުފަރުބަދައިގެ ޙިރާ ހޮހޮޅައިގައި ރަސޫލާ ޞައްލަﷲ ޢަލައިހި ވަސައްލަމަ އިންނަވަނިކޮށްނެވެ.

3-      ޤުރުއާނުގެ އެންމެ ފުރަތަމަ ސޫރަތަކީ މައްކީ ސޫރަތެކެވެ. އަދި އެންމެ ފަހުގެ ސޫރަތަކީ މަދަނީ ސޫރަތެކެވެ.

4-      ޤުރުއާނުގައި ވަނީ 114 ސޫރަތެވެ. އޭގެތެރެއިން 86 ސޫރަތަކީ މައްކީ ސޫރަތެވެ. ބާކީ 28 ސޫރތަކީ މަދަނީ ސޫރަތެވެ.

5-      ޤުރުއާނުން އެންމެ ފުރަތަމަ ބާވައިލެއްވުނު އާޔަތްތަކަކީ ސޫރަތުލް ޢަލަޤްގެ ފުރަތަމަ 5 އާޔަތެވެ.

6-      ޤުރުއާން ބާވައިލައްވާ ނިމުނީ 23 އަހަރުންނެވެ.

7-      "ޤުރުއާން" މިލަފްޡު ކީރިތި ޤުރުއާނުގައި 70 ފަހަރު ތަކުރާރު ކުރެވިފައިވެއެވެ.

8-      އެންމެ ދިގު ސޫރަތަކީ "ސޫރަތުލް ބަޤަރާ" އެވެ. އެއީ ޤުރުއާން ތަރުތީބުކުރެވިފައިވާ ގޮތަށް ބަލާއިރު 2 ވަނަ ސޫރަތެވެ.

9-      އެންމެ ކުރު ސޫރަތަކީ "ސޫރަތުލް ކައުޘަރު" އެވެ.

10-   އެންމެ ދިގު އާޔަތަކީ "ސޫރަތުލް ބަޤަރާ" ގެ 282 އާޔަތެވެ.

11-   އެންމެ ކުރު އާޔަތަކީ ޠާހާ ސޫރަތުގެ 1ވަނަ އާޔަތެވެ.

12-   ޤުރުއާނުގެ އެންމެ ފުރަތަމަ ސޫރަތަކީ "ސޫރަތުލް ފާތިޙާ" ނުވަތަ "އުއްމުލް ޤުރުއާން" މިސޫރަތެވެ.

13-   ޤުރުއާނުގެ އެންމެ ފަހުގެ ސޫރަތަކީ "ސޫރަތުއް ނާސި" އެވެ.

14-   ﷲ މިކަލިމަ 2698 ފަހަރަށް ޤުރުއާނުގައި ތަކުރާރުކުރެވިފައި ވެއެވެ.

15-    ﷲ ތަޢާލާގެ އެހެނިހެން އިސްމުފުޅުތައް ޤުރުއާނުގެ 99 ތަނެއްގައި ބަޔާންވެގެން ވެއެވެ.

16-   މުޙައްމަދު ޞައްލަﷲ ޢަލައިހި ވަސައްލަމްގެ ނަންފުޅު ކީރިތި ޤުރުއާނުގައި 4 ފަހަރު ތަކުރާރު ކުރެވިފައި ވެއެވެ.

17-   އަޙްމަދު ޞައްލަﷲ ޢަލައިހި ވަސައްލަމްގެ ނަންފުޅު 1 ފަހަރު ޤުރުއާނުގައި ބަޔާންވެގެން ވެއެވެ.

18-  بِسْمِ اللَّـهِ الرَّحْمَـٰنِ الرَّحِيمِ ކީރިތި ޤުރުއާނުގައި 114 ފަހަރު ތަކުރާރު ކުރެވިފައި ވެއެވެ.

19-  ސޫރަތުއް ތައުބާ ނޫނީ ޤުރުއާނުގެ ހުރިހާ ސޫރަތެއް ފެށިފައިވަނީ بِسْمِ اللَّـهِ الرَّحْمَـٰنِ الرَّحِيمِ އެވެ.

20-  "ސޫރަތުއް ނަމްލި" ގައި 2 ފަހަރު بِسْمِ اللَّـهِ الرَّحْمَـٰنِ الرَّحِيمِ  ތަކުރާރު ކުރެވިފައި ވެއެވެ.

21-   "ސޫރަތުލް ޔާސީން" މިއީ ޤުރުއާނުގެ ހިތް ކަމުގައި ބަޔާންވެގެންވާ ސޫރަތެވެ.

22-   "އާޔަތުލް ކުރުސި" އަކީ ޤުރުއާނުގެ ތަޚްތުގެ ލަޤަބް ލިބިފައިވާ އާޔަތެވެ.

23-   އެންމެ ހެޔޮކަން ބޮޑު މައްސަރެއްގެ ގޮތުގައި ޤުރުއާނުގައި ފާހަގަ ކުރެވިފައިވާ މައްސަރަކީ ރަމަޟާންމަހެވެ.

24-   އެންމެ ހެޔޮކަން ބޮޑު ރެއެއްގެ ގޮތުގައި ޤުރުއާނުގައި ފާހަގަ ކުރެވިފައިވާ ރެއަކީ ލައިލަތުލް ޤަދްރި ވިލޭ ރެއެވެ.

25-   ޤުރުއާނުގައި 25 ރަސޫލުބޭކަލެއްގެ ނަން ގަނެވިފައިވެއެވެ.

26-   ޤުރުއާނުގައި ވަނީ 6236 އާޔަތެވެ.

27-   ޤުރުއާނުގައި ވަނީ 77934 ލަފްޡެވެ.

28-   ޤުރުއާނުގައި ވަނީ 323670 ޙަރުފް(އަކުރު) އެވެ.

29-   ޤުރުއާނުގެ އެންމެ ޙަރުފެއް (އަކުރެއް) ކިޔައިގެން 10 ހެޔޮކަން ލިބެއެވެ.

30-   ޤުރުއާނުގައި 105685 ނުޤުޠާ ވެއެވެ.

31-   ޤުރުއާނުގައި އެންމެ ގިނައިން ތަކުރާރު ކުރެވިފައވާ ޙަރުފަކީ އަލިފް އެވެ.

32-   ޤުރުއާނުގައި އެންމެ މަދުން ތަކުރާރު ކުރެވިފައވާ ޙަރުފަކީ ޡާ އެވެ.

33-   އެއް އާޔަތެއް އެންމެ ގިނައިން ތަކުރާރުކުރެވިފައިވަނީ "ސޫތަރުއް ރަޙްމާން" ގައެވެ.

34-   އެންމެ ރަނގަޅު ބުއިމެއްގެ ގޮތުން ޤުރުއާނުގައި ފާހަގަކޮށްފައިވާ ބުއިމަކީ ކިރެވެ.

35-   އެންމެ ރަނގަޅު ކެއުމެއްގެ ގޮތުން ޤުރުއާނުގައި ފާހަގަކޮށްފައިވާ ކެއުމަކީ މާމުއި އެވެ.

والله أعلم:

މިލިޔުން ލިޔުމަށް އަސްލަކަށް ބަލާފައިވަނީ 35 ފެކްޓްސް އެބައުޓް ދަ ޤުރްއާން ރިވެލޭޝަން މިލިޔުމެވެ.