ލަކުޑިކަނޑާ މީހާ
ލަކުޑިކަނޑާ މީހަކު ކޯރެއްގެ ކައިރީގައި
ލަކުޑިކަނޑަމުން ދިޔައެވެ. އޭނާގެ އަތުން، އޭނާގެ ފުރޯ ކޯރުގެ ތެރެއަށް
ވެއްޓުނެވެ. ލަކުޑިކަނޑާ މީހާއަކީ އެހާ ތަނަވަސް މީހެއް ނޫންކަމުން އާ ފުރޯއެއް
ނުގަނެވޭނެތީ އެކަމާ ހިތާމަކުރިއެވެ. ކުއްލިއަކަށް، އެތަނަށް ޕަރީއެއް އައެވެ.
އަދި ލަކުޑިކަނޑާ މީހާ ދެރަވެގެން އުޅޭކަމެއް އަހައި އޮޅުންފިލުވިއެވެ. ލަކުޑިކަނޑާމީހާ
ކަންތައްވީގޮތް ތެދުވެރިކަމާއެކި ކިޔައި ދިނެވެ.
ޕަރީ ކޯރުގެ ތެރެއަށް ފީނިއެވެ. އިރުކޮޅެއް ނުވެ ޕަރީ
މައްޗަށް އެރީ ރަން ފުރޯއަކާއި ރިހި ފުރޯއެއް ހިފައިގެންނެވެ. އެފުރޯތައް
ދެއްކުމުން ލަކުޑިކަނޑާ މީހާ ބުންޏެވެ. "ތިއީ އަހަރެންގެ ފުރޯއެއް ނޫން.
އަހަރެން އަތުގައި އޮންނަނީ ވަރަށް އާދައިގެ ފުރޯއެއް". އެހެންބުނުމުން ޕަރީ އަނެއްކާ
ވެސް ކޯރުގެތެރެއަށް ފީނިއެވެ. މިފަހަރު ގެނައީ ލޮއިން ހަދާފައިވާ އާދައިގެ ފުރޯއެކެވެ.
ލަކުޑިކަނޑާމީހާ އުފަލާއެކު ބުންޏެވެ. "އާނ، އާނަ ތީ އަހަރެންގެ"
ޕަރީ ލަކުޑިކަނޑާ
މީހާގެ ތެދުވެރިކަމާމެދު އުފާކޮށް، ހަދިތާއެއްގެ ގޮތުން އެ ތިން ފުރޯ ވެސް އޭނާއަށްދިނެވެ.
1-
ލަކުޑިކަނޑާމީހާ ހިތާމަކުރީ ކީއްވެގެން ހެއްޔެވެ؟
2-
ޕަރީ ރަން ފުރޯއާއި ރިހި ފުރޯ ދެއްކުމުން
ލަކުޑިކަނޑާމީހާ ބުނީ ކީކޭ ހެއްޔެވެ؟
3-
ތެދުވެރިވުމުގެ ސަބަބުން
ލަކުޑިކަނޑާމީހާއަށް ލިބުނު އިނާމަކީ ކޮބައި ހެއްޔެވެ؟
No comments:
Post a Comment