بسم الله الرحمن الرحيم
މުދައްރިސުން
ދިވެހިރާާއްޖެ
ލޯބިވެތި ދަރިވަރުންނަށް
ވެދުން ސަލާމަށްފަހު ދަންނަވަމެވެ.
ދަރިފުޅުމެންގެ ޙާލު ކިހިނެއް ހެއްޔެވެ؟ މިސްމެންގެ ޙާލު ރަނގަޅެވެ. ނަމަވެސް ދަރިފުޅުމެންނާ ބައްދަލުނުވެ ގިނަ ދުވަސްތަކެއް ފާއިތުވެގެންދާތީވެ ވަރަށް ދެރަވެ އެވެ. މިސްމެން އުއްމީދުކުރަނީ ކައިރި މުސްތަޤުބަލެއްގައި ދަރިފުޅުމެންނާ ބައްދަލުވާނެ ކަމަށެވެ. إن شاء الله
ލޯބިވެތި ދަރިވަރުންނޭވެ! މި ނުރައްކާތެރި ހާލަތުގައި ކަމުގެ މާހިރުން ދެއްވާ އިރުޝާދާ އެއްގޮތަށް ދަރިފުޅުމެންގެ އުޅުން ބެހެއްޓުމަށް ސަމާލުކަންދޭށެވެ. އެކޮއިމެންގެ ބަހުން ބުނާނަމަ "سمعنا وأطعنا"
މިސްމެންގެ ލޯބިވެތި ދަރިވަރުންނަކީ ކިޔަމަންތެރި ކަމުގައި ދެވަނައެއް ނުވާފަދަ ކުދިންތަކެކެވެ. އިންޓަނެޓުގެ ސަބަބުން ދިމާވާ ދަތިތަކާއެކު ވެސް މިސްމެން ދެއްވާ ފިލާވަޅުތައް ނިންމުމަށް ދަރިފުޅުމެންގެ ތެރެއިން ބައެއް ކުދިން ދަނީ ޝައުޤުވެރިކަމާއެކު މަސައްކަތްކުރަމުންނެވެ. ހުރިހާ ދަރިވަރުންގެ ބައިވެރިވުން ލިބޭނަމަ މިސްމެން ވަރަށް ވަރަށް ވަރަށް ބޮޑަށް އުފާވާނެއެވެ.
ލޯބިވެތި ދަރިވަރުންނޭވެ! މަސައްކަތް ނިންމުމުގައި އެ ދަރިވަރެއްގެ ޤާބިލުކަން ތަންދޭ އެންމެ ރަނގަޅަކަށް މަސައްކަތް ނިންމުމަށް ހިތްވަރުކުރާށެވެ. އަދި ދަރިފުޅުމެން އަމިއްލައަށް މަސައްކަތް ނިންމުމަށް ވެސް ހިއްމަތާއެކު މަސައްކަތްކުރާށެވެ. އަދި ވަރަށް ޗާލުކޮށް ފަރިކޮށް މަސައްކަތް ނިންމުމަށް ވެސް ސަމާލުކަންދޭށެވެ.
ލޯބިވެތި ދަރިވަރުންނޭވެ! މަސައްކަތް ނިންމުމު ގައި އުނދަގޫކަމެއް ދިމާވާ ނަމަ، މިސްމެންނަށް ވަކިން މެސެޖުކޮށް ދެއްވުން އެދެމެވެ.
ލޯބިވެތި ދަރިވަރުންނޭވެ! ހުރިހާ ދަރިވަރުންނަށް މަސައްކަތް ނިންމުމަަށް ހަނދާންކޮށްދެމުން މިސްމެންގެ ސިޓީ ނިންމާލަމެވެ.
ޝުކިރިއްޔާ
6 އޭޕްރީލު 2020
= ލޯބިވާ އެދުރުން=
