ސުވާލާއި ޖަވާބު
އަޤީދާ 1
1- އީމާންކަމުގެ ރުކުންތައް ލިޔެލަމާ!
·
މާތް ﷲ އަށް އީމާންވުން.
·
މަލާއިކަތްބޭކަލުންނަށް އީމާންވުން.
·
މާތް ﷲ ބާވައިލެއްވި
ފޮތްތަކަށް އީމާންވުން.
·
ރަސޫލުބޭކަލުންނަށް އީމާންވުން.
·
އާޚިރަތްދުވަހަށް އީމާންވުން.
·
ހެޔޮ މިންވަރާއި ނުބައި މިންވަރަށް
އީމާންވުން.
2- މާތް ﷲ އީ އެއްކައުވަންތަ އިލާހޭ ބުނެވޭ
ބަހުގެ މާނަ ބުނެލަމާ!
·
މާތް ﷲ އީ ޚާލިޤުވަންތަ ކަމުގައްޔާއި
އިލާހު ވަންތަކަމުގެ ފުރިހަމަ ސިފަފުޅުތައް ލިބިވޮޑިގެންވާ އިލާހު ކަމާއި އެއިލާހަށް
އެއްވެސް ބައިވެރިއަކު ނުވާ އިލާހުކަން ޤަބޫލުކުރުމެވެ.
3- މާތް ﷲ ގެ އެއްކައުވަންތަކަމާއި
އުލޫހިއްޔަތުގެ މަޤްޞަދު ބުނެލަމާ!
·
ޙައްޤުގޮތުގައި އަޅުކަންކުރުން
ޙައްޤުވެގެންވާ ހަމައެކަނި ފަރާތަކީ މާތް ﷲ ކަން ހިތުގެ އަޑިން ޤަބޫލުކުރުމާއެކު އެންމެހައި
އަޅުކަންތައް އެއިލާހަށް ޚާލިޞްކުރުމެވެ.
4- ސޫރަތުލް އިޚްލާޞްގެ މާނައިން އެނގޭ
ބައެއްކަންތައް ލިސްޓުކޮށްލަމާ!
·
އަޅުކަންކުރުން ޙައްޤުވެގެންވާ
ހަމައެކަނި ފަރާތަކީ މާތް ﷲ ކަން.
·
މާތް ﷲ އަށް ޝަރީކު
ނުކުރެވޭނެ ކަން.
·
އެންމެހައި ޢައިބުތަކުން
މާތް ﷲ ގެ ޛާތުފުޅު ހުސްޠާހިރުވެވެޑިގެންވާ ކަން.
·
އުލޫހިއްޔަތުގެ ޞިފައާއި
މާނަ އެކުލެވިގެންވަނީ ހަމައެކަނި މާތް ﷲ ގެ ޛާތުފުޅުގައި ކަން.
5- މާތް ﷲ ގެ އެއްކައުވަންތަކަން ދޭހަކޮށްދޭ
ދަލީލެއް ޤުރުއާނުގެ އެހީގައި ބުނެލަމާ!
·
މާތް ﷲ ވަޙީކުރައްވާފައި ވެއެވެ. " قُلْ هُوَ اللهُ أحَدٌ.
6- ރަސޫލުބޭކަލުންނަކީ ކޮބައިކަން ބުނެލަމާ!
·
ރަސޫލުބޭކަލުންނަކީ، މީސްތަކުންނަށް
ތެދުމަގު ދެއްކެވުމަށްޓަކައި އިންސާނުންގެ ތެރެއިން އިޚްތިޔާރުކުރައްވައި، އެބޭކަލުންނަށް
މާތް ﷲ ވަޙީ ބާވައިލައްވައި އާ ޝަރީޢަތެއް ދެއްވައި މީސްތަކުންގެ ގާތަށް ފޮނުއްވި ބޭކަލުންނެވެ.
7- ރަސޫލުބޭކަލުންނަށް އީމާންވުމަކީ ކޮބައިކަން
ލިޔެލަމާ!
·
ރަސޫލުބޭކަލުން ގެންނެވި ރިސާލަތަކީ
މާތް ﷲ ގެ ޙަޟްރަތުން ގެންނެވި ޙައްޤު ތެދުކަން ހިތުން ތެދުކޮށް ޤަބޫލުކުރުމާއެކު އެއަށް
ޢަމަލުކުރުމެވެ.
8- ރަސޫލުބޭކަލުންނަށް އީމާންވުމުގެ
މުހިއްމުކަން ލިސްޓުކޮށްލަމާ!
·
ރަސޫލުބޭކަލުންނަށް އީމާންނުވާ
މީހެއްގެ އީމާންކަން ފުރިހަމައެއް ނުވާނެ.
·
އެބޭކަލުން އެންގެވި
ގޮތަށް އުޅެގެން މެނުވީ އާޚިރަތުގައި ކާމިޔާބީއެއް ނުލިބޭނެ.
·
ތެދުމަގު ލިބޭނީ
އެބޭކަލުން އެންގެވި ގޮތަށް އުޅެގެން.
9- ރަސޫލުބޭކަލުންނަށް އީމާންވާންޖެހޭ
ކަމުގެ ދަލީލެއް ޤުރުއާނުގެ އެހީގައި ބުނެލަމާ!
·
فَآمِنُوا بِاللَّـهِ
وَرُسُلِهِ (سورة النساء171) މާނައީ: ފަހެ، اللَّه އާއި، އެކަލާނގެ رسول ންނަށް ތިޔަބައިމީހުން إيمان ވާށެވެ!
10- ނަބީކަމާއި ރަސޫލުކަން ޚަތިމްކުރެއްވި
(ނިންމެވި) ރަސޫލަކީ ކޮން ބޭކަލެއްކަން ބުނެދެމާ!
·
އެއީ އެންމެހައި މީސްތަކުންގެ
ގާތަށް ފޮނުއްވި ރަސޫލާ މުޙައްމަދު صلى الله عليه وسلم އެވެ.
11- ނަބީކަމާއި ރަސޫލުކަން ޚަތިމްކުރެއްވި
(ނިންމެވި) ރަސޫލަކީ މުޙައްމަދު صلى الله عليه وسلم ކަން
ދޭހަކޮށްދޭ ދަލީލެއް ޤުރުއާނުގެ އެހީގައި ލިޔެލަމާ!
·
مَّا كَانَ مُحَمَّدٌ أَبَا
أَحَدٍ مِّن رِّجَالِكُمْ وَلَـٰكِن رَّسُولَ اللَّـهِ وَخَاتَمَ النَّبِيِّينَ ۗ
وَكَانَ اللَّـهُ بِكُلِّ شَيْءٍ عَلِيمًا ﴿ سورة الأحزاب ٤٠﴾ މާނައީ:
ތިޔަބައިމީހުންގެ ބޮޑެތި ފިރިހެނުންގެ ތެރެއިން އެކެއްގެވެސް ބަފައިކަލަކު
ކަމުގައި محمد ގެފާނު
ނުވެތެވެ. އެހެނެއްކަމަކު، (އެކަލޭގެފާނީ) اللَّه ގެ رسول އާއެވެ. އަދި ނަބީކަން ختم ކުރެއްވި
ކަލޭގެފާނުވެސްމެއެވެ. އަދި ކޮންމެ ކަމެއްމެ މޮޅަށް ދެނެވޮޑިގެންވާ ކަލަކުކަމުގައި اللَّه ވޮޑިގެންވެއެވެ.
12- އުލުލްޢަޒްމުގެ ވެރިބޭކަލުންނަކީ
ކޮބައިކަން ލިޔެލަމާ!
·
ނޫޙު ޢަލައިހިއްސަލާމް.
·
އިބްރާހީމް
ޢަލައިހިއްސަލާމް.
·
މޫސާ ޢަލައިހިއްސަލާމް.
·
ޢީސާ ޢަލައިހިއްސަލާމް.
·
މުޙައްމަދު صلى الله عليه وسلم އެވެ.
13- ފޮތްތަކަށް އީމާންވުމަކީ ކޮބައިކަން
ބުނެދެމާ!
·
ހުރިހާ ރަސޫލުބޭކަލުންގެ މައްޗަށް
މާތް ﷲ ފޮތް ބާވައިލެއްވި ކަމާއި، އެފޮތްތަކުގައި ވަނީ މާތް ﷲ ގެ ވަޙީ ބަސްފުޅުކަމާއި،
ފޮތް ބާވައިލެއްވީ މީސްތަކުންނަށް ހިދާޔަތް ދެއްކެވުމަށް ކަން ހިތުގައި ޝައްކެއްނެތި
ޤަބޫލުކުރުމާއެކު އެއާއި އެއްގޮތަށް ޢަމަލުކުރުމެވެ.
14- ފޮތްތަކަށް އީމާންވުމުން ލިބޭނެ ފައިދާތައް
ލިސްޓުކޮށްލަމާ!
·
އުޅެންވާ ގޮތް އެނގޭނެ.
·
މާތް ﷲ ގެ
އޯގާވަންތަކަމާއި ކުޅަދުންވަންތަ ކަން އެނގޭނެ.
·
ކުރީގެ އުންމަތްތަކުގެ
މަޢްލޫމާތު އެނގޭނެ.
·
މާތް ﷲ ރުހިވޮޑިގަންނަވާ
ކަންތައްތަކާއި ރުހިވޮޑިނުގަންނަވާ ކަންތަކަށް ރައްކާތެރިވާން އެނގޭނެ.
15- ކީރިތި ޤުރުއާނަށް އީމާންވުމަކީ ކޮބައިކަން ލިޔެލަމާ!
·
ކީރިތި ޤުރުއާނަކީ ޖިބްރީލުގެފާނު
މެދުވެރިކުރައްވައި ރަސޫލު ﷲ صلى الله عليه وسلم ގެ
މައްޗަށް ބާވައިލެއްވި މާތް ﷲ ގެ ކަލާމްފުޅު ކަމާއި، ޤުރުއާނަށް ފަހު ކުރީގައި
ބާވައިލެއްވި ފޮތްތައް މަންސޫޚު ކުރައްވާފައިވާ ކަމާއި، ޤުރުއާނަކީ އާޚިރަތާއި
ހަމައަށް ދެމިގެންވާ ފޮތެއްކަން ހިތުގައި އެއްވެސް ޝައްކުކަމެއް ނެތި
ޤަބޫލުކުރުމާއެކު އޭގައި ބަޔާންކޮށްފައިވާ ގޮތަށް ޢަމަލުކުރުމެވެ.
16- މުޢުޖިޒާތަކީ ކޮބައިކަން ބުނެދެމާ!
·
މުޢުޖިޒާތަކީ ނަބިބޭކަލުންނާއި
ރަސޫލުބޭކަލުންގެ ދަޢުވަތުގެ ތެދުކަން މީސްތަކުންނަށް ހާމަކޮށްދެއްވުމުގެ ގޮތުން އެބޭކަލުންގެ
ފަރާތްޕުޅުން ފައުޅު ކުރައްވާފައިވާ (ދައްކަވާފައިވާ)، އިންސާނުންނަށް ކުރުން ކުޅަދާނަ
ނޫން އާދަޔާ ޚިލާފު ކަންތައްތަކެވެ.
17- މުޢުޖިޒާތުގެ ޝަރުޠުތައް ލިސްޓުކޮށްލަމާ!
·
އިންސާނުންނަށް ކުރުން
ކުޅަދާނަވެގެންނުވާ އާދަޔާޚިލާފު ކަމެއްކަމުގައިވުން.
·
ދޮގުކުރާ މީހުންނާއި
ޝައްކުކުރާ މީހުންނަށް ގޮންޖެއްސެވުމުގެ ގޮތުން ގެނެވޭ އެއްޗެއް ކަމުގައިވުން.
·
ރަސޫލުބޭކަލެއް ނުވަތަ
ނަބީބޭކަލެއްގެ ކިބައިން ފާޅުވުން.
18- މުޢުޖިޒާތާއި ކަރާމާތާއި ސިޙުރުގެ ތަފާތު
ލިޔެލަމާ!
|
މުޢުޖިޒާތް |
ކަރާމާތް |
ސިޙުރު |
|
·
މުޢުޖިޒާތް ފާޅުކުރައްވަނީ
ރަސޫލުބޭކަލުންނާއި ނަބީބޭކަލުން ފަރާތްޕުޅުންނެވެ. ·
މުޢުޖިޒާތަކީ ރަސޫލުބޭކަލުންނާއި
ނަބީބޭކަލުންގެ ދަޢުވަތުގެ ތެދުކަން ހާމަކޮށްދެއްވުމުގެ ގޮތުން އެބޭކަލުންގެ ފަރާތްޕުޅުން
ފާޅުކުރައްވާ އާދަޔާޚިލާފު ކަންތައްތަކެވެ. ·
މުޢޫޖިޒާތަކީ ތެދު ޙަޤީޤަތެވެ. |
·
ކަރާމާތް ފާޅުކުރައްވަނީ މާތް ﷲ ގެ ވަލީވެރިންގެ ފަރާތްޕުޅުންނެވެ. ·
ކަރާމާތަކީ ވަލީވެރިންނަށް މާތް ﷲ ދެއްވާ މަތިވެރި ކަމެކެވެ.
ނުވަތަ ދީނަށް ނަޞްރު ދެއްވުމުގެ ގޮތުން ވަލީވެރިންގެ ފަރާތްޕުޅުން ފާޅުކުރައްވާ
ކަންތައްތަކެވެ. ·
ކަރާމާތަކީ ތެދު ޙަޤީޤަތެވެ. |
·
ސިޙުރަކީ އެކަމަށް ކުޅަދާނަ ކޮންމެ މީހަކަށްވެސް ހެދިދާނެ
އެއްޗެކެވެ. ·
ސިޙުރަކީ ޖިންނި ޝައިޠާނުން މެދުވެރިކޮށް އިންސާނުންގެ ލޯ
މައްޗަށް ދައްކުވައި އޮޅުވާލާ އޮޅުވާލުމެކެވެ. ·
ސިޙުރަކީ އޭގައި އެއްވެސް ޙަޤީޤަތެއް އެކުލެވިގެންނުވާ ދޮގުތަކެކެވެ. |
19- ޤުރުއާނަކީ
މުޢުޖިޒާތެއްކަން ހާމަކޮށްދޭ ބައެއް ކަންތައް ލިސްޓުކޮށްލަމާ!
·
ލަފްޡުތަކުގެ ރީތިކަމާއި ޢިބާރާތްތައް
އެކުލެވިފައިވާލެއް ފުރިހަމަކަން.
·
ކުރު ޢިބާރާތްތަކުގައި
ގިނަ މާނަ އެކުލެވިގެންވުން.
·
އިންސާނުންނަށް ކުރީގައި
އެނގިފައިނުވާ ޢިލްމީ އެތައް ޙަޤީޤަތްތަކެއް ޤުރުއާނުގައި ބަޔާންކުރައްވާފައިވުން.
·
އެހެން ފޮތްތަކާއި
ޚިލާފަށް ޤުރުއާން ހިތު ދަސްކުރަން ފަސޭހަވުން.
·
އިސްވެ ގޮސްފައިވާ
ކަންތަކުގެ ވާހަކައާއި ފަހުން ވާނޭ ކަންތަކުގެ ވާހަކަ ބަޔާންވެފައިވުން.
·
ޤުރުއާނާއި އެއްފަދަ އެހެން
ފޮތެއް މާތް ﷲ ފިޔަވައި އެހެން އެއްވެސް ފަރާތަކަށް އުފެއްދުމުގެ ކުޅަދާނަކަން ލިބިގެންނުވުން.
20- މިއާޔަތުގެ މާނަ ލިޔެލަމާ! قُل لَّئِنِ اجْتَمَعَتِ الْإِنسُ وَالْجِنُّ
عَلَىٰ أَن يَأْتُوا بِمِثْلِ هَـٰذَا الْقُرْآنِ لَا يَأْتُونَ بِمِثْلِهِ وَلَوْ
كَانَ بَعْضُهُمْ لِبَعْضٍ ظَهِيرًا ﴿سورة الإسراء ٨٨﴾
·
މާނައީ: ކަލޭގެފާނު ވިދާޅުވާށެވެ! ހަމަކަށަވަރުން،
މި قرآن އާ
އެއްފަދަ އެއްޗެއް ގެނައުމަށް އިންސީންނާއި، ޖިންނީން އެއްވިނަމަވެސް، އެއާ
އެއްފަދަ އެއްޗެއް އެއުރެންނަކަށް ނުގެނެވޭނެތެވެ. އެއުރެންގެ އެއްބަޔަކު
އަނެއްބަޔަކަށް ވާގިވެރިން ކަމުގައި ވީނަމަވެސްމެއެވެ.
21- ޝިރުކުކުރުމަކީ ކޮބައިކަން
ބުނެދެމާ!
·
ޝިރުކުކުރުމަކީ ﷲ އާއި އެހެން
ފަރާތެއް ބައިވެރިކުރުމެވެ.
22- ޝިރުކުކުރުމުގެ ބައެއް މިޘާލުތައް
ލިސްޓުކޮށްލަމާ!
·
ބުދަށް އަޅުކަންކުރުން.
·
ނެތުމުގެ ތެރެއިން ތަކެތި
އުފެއްދުމުގައި މާތް ﷲ އާއިއެކު އެހެން ފަރާތެއް ބައިވެރިވާކަން ޤަބޫލުކުރުން.
·
ދިރުއްވުމާއި
މަރުގެންދެވުމުގައި މާތް ﷲ އާއިއެކު އެހެން ފަރާތެއް ބައިވެރިވާކަން ޤަބޫލުކުރުން.
·
ޣައިބުގައިވާ ކަންތައްތައް
މާތް ﷲ ފަދައިން އެހެން ބަޔަކަށްވެސް އެނގިދާނެ ކަމަށް ޤަބޫލުކުރުން.
23- ޝިރުކުކުރުމުން ލިބިދާނެ ބައެއް
ގެއްލުންތައް ލިސްޓުކޮށްލަމާ!
·
މާތް ﷲ ގެ ލޯބިން
މަޙްރޫމުވުން.
·
އެއްވެސް ޢަމަލެއް
ޤަބޫލެއް ނުކުރައްވާނެ.
·
ސުވަރުގޭގެ ދޮރުކޮޅުތައް
އެމީހެއްގެ މައްޗަށް ބަންދުވާނެ.
·
ހުރިހާ ހެޔޮ ޢަމަލެއް
ބާޠިލުވާނެ.
·
ޝިރުކުކުރުމަށް ފަހު
ތައުބާނުވެ މަރުވެއްޖެނަމަ އެމީހަކަށް މާތް ﷲ މާފުނުކުރައްވާނެ.
24- ޝިރުކުކުރުމުން
ރައްކާތެރިވާނީ ކިހިނެއްކަން ބުނެދެމާ!
·
އިސްލާމީ ޢަޤީދާއާއި ބެހޭ ޞައްޙަ
މަޢުލޫމާތު ހޯދައި ޝިރުކުގެ ނުރައްކާތެރިކަން ދެނެގަތުމާއެކު ތިމާ ކުފުރުވާފަދަ ބަސްތަކާއި
ޢަމަލުތަކުން ދުރުހެލިވެ ރައްކާތެރިވުމާއެކު، ޝިރުކުގެ ނުބައިކަމުން ސަލާމަތް ކުރެއްވުން
އެދި ގިނަގިނައިން ދުޢާކުރުމެވެ.
No comments:
Post a Comment