بسم الله الرحمن الر حيم
މައުޖޫދުވީ ބަސްތަކުތެރޭ މުއްސަނދި ދިވެހިބަސް ވާކަމުން
އައުދާނަ މަތިވެރި ޙަޟުރަތަށް ޙަމްދާ ޘަނާ ފޮނުވާލަމޭ
ބަސްމަގު ރިވެތިވީ ޞާޙިބަށް އައުދާނަ ފޭތާންބަރު ނަބީ
ވަސްމީރު ޞަލަވާތާ ސަލާމް ތަކުރާރުކޮށް އަމުނާލަމޭ
މީޒާނުގައި ތިއްބެވި ޢިއްޒަތްތެރި ފަނޑިޔާރުން {} ކުލުނުވެރި މައިންބަފައިން {} ހަންހާރަވެތި މުދައްރިސުން {} މިތުރު ކިޔަވާ ކުދީން {} السلام عليكم ورحمة الله وبركاته
އަސަރަކާ އަދި ފޮނިކަމެއް އެކި ބަސްބަހުން ހަމަބފެނުނަކަސް
އަސަރުގަދަ އަދި އެންމެ ފޮނި ބަހަކީ މަށަށް މިދިވެހި ބަހޭ
އާދެ! މިއަދު އަޅުގަނޑުގެ މައުޟޫޢަކީ "އަހަރެން ދިވެހި ބަސް ކިޔަވާ ހިތްވަނީ"
އެއީ ކީއްވެތޯ {} ދިވެހިބަހަކީ އަޅުގަނޑުމެން ވާހަކަދައްކާ ބަސް {} އަޅުގަނޑުމެންގެ އަމިއްލަވަންތަކަން ރަމްޒުކޮށްދޭ ބަހާއެއް {} އަޅުގަނޑުމެންގެ ކާބަފައިން އަޅުގަނޑުމެންނާ ހަމައަށް ފޯރުކޮށްދީފައިވާ ތަރިކައެއް {} އަޅުގަނޑުމެންނާ ހަވާލުކުރެވިފައިވާ އަމާނާތެއް {} މިއަމާނާތަށް ރައްކާތެރިވުމަކީ ދިވެހި ކޮންމެ ދަރިއެއްގެ ކޮނޑުގައި އެޅިފައިވާ މަސްއޫލިއްޔަތެއް {} މިބަސް ރައްކާތެރިކޮށް ޙިމާޔަތްކުރުމަކީ އަޅުގަނޑުމެން ކުރަންޖެހޭ ކަމެއް {} އެހެންވީމަ އަޅުގަނޑު ދިވްހިބަސް ކިޔަވާހިތްވަނީ {}
އަޅުގަނޑުމެން ފަޚުރުވެރިވާ ދިވެހިބަހަކީ ވަރަށް ދިގު ތާރީޚެއް އޮތް ބަހެއް {} ދިވެހި ކާބަފައިންގެ މަތިވެރި ޤުރުބާނީގެ ވާހަކަތައް ހާމަވަނީ ދިވެހި ތާރީޚުން {} ބޮޑުތަކުރުފާނެއްގެ ކުޅަދާނަކަމަަށްޓަކައި އަޅުގަނޑުމެން ފަޚުރުވެރި ވަމު {} ދޮންބާޑަރައިންގެ ޖެހިލުންކުޑަ ކަމުގެ ވާހަކަ ދައްކައި ތަޢުރީފު އެބަކުރަމު {} ހުސައިން އާދަމުގެ ހިތްވަރުގަދަ ކަމުގެ ޛިކުރާ އެބަ އާކުރަމު {} މިވާހަކަތައް އަޅުގަނޑުމެންނާ ހަމައަށް އައިސްސަވަނީ ދިވެހިބަހުން {} އަޅުގަނޑު ދިވެހިބަސް ކިޔަވާހިތްވަނީ މިސަބަބަށްޓަކައި {}
ދިވެހިބަސް ކިޔަވާހިތްވާ ބައިވަރު ސަބަބުތައް އެބަހުރި {} ދުނިޔޭގެ އެންމެ މުއްސަނދި ބަހުގެ ގޮތުގައި ނަންވިދާލާފައިވާ، އިނގިރޭސި ބަހަށް ވެސް ލިބިފައި ނުވާ ޝަރަފެއް ދިވެހިބަހަށް ލިބިފައިވޭ {} އާދެ! މިބަސް ލިޔަމުން ކިޔަމުން މިދަނީ ނުހަނު ރީތި ޗާލު އަކުރުތަކަކުން {} ދުނިޔޭގެ އެއްވެސް ބަހަކަށް ލިބިގެންނުވާ އަޑެއް ދިވެހިބަހަށް ލިބިގެންވޭ {} އެއީ ކޮންއަޑެއްތޯ {} އާދެ! ށަވިޔަނީގެ އަޑު {} މިފަދަ އެތަށް ފުރިހަމަކަމެއް ދިވެހިބަހަށް ލިބިގެންވޭ {} އަޅުގަނޑު ދިވެހިބަސް ކިޔަވާހިތްވަނީ މިހެންވެ {}
ދިވެހިބަހުގެ އަދަބީ ޤުލްޝަނަށް ޖެހިލަމާ {} ޅެންވެރިކަމުގެ އެތަށް ބާވަތެއް ދިވެހިބަހަށް ލިބިގެންވޭ {} ދިވެހި ޅެންވެރިކަމުގެ ކޮންމެ ބާވަތަކުން ދައްކައިދެނީ ބަހުގެ ފުރިހަމަކަމާއި ޗާލުކަން {} ޅެންވެރިކަމުގެ މިގުލްޒާރު އަންނަން އޮތް ޖީލަށް ފޯރުކޮށްދޭންޖެހޭ {} މިރީތި ކަރަމް އަންނަންއިތްޖީލަށް ފޯރުކޮށްދިނުމަށް ކިޔަވަންޖެހޭ {}
ދިވެހިބަސް ކިޔަވާހިތްވަނީ ކީއްވެކަން ބުނޭދޭން ކިތަންމެ ވާހަކައެއް ދެއްކިދާނެ {} އެހެންނަމަވެސް ވަގުތަކީ މަޑުޖެހިގެން އޮންނާނެ އެއްޗެއްނޫން {} އަޅުގަނޑުގެ ޢަޒުމަކީ ދިވެހިބަސް ކިޔަވައިގެން ކާމިޔާބު ކުއްޖަކަށްވުން {} ދިވެހިބަހަށް ޙައްޤު މަޤާމު ހޯދައިދިނުން {}
ދީބަށް މަގޭ ލެއްވެވި މިބަސް އައުދާނަބމާތްވީ ދިވެހިބަސް
ވީބަހެކެ ގައިމުން ލިބި ޝަރަފު ދޫކޮށްނުލަން ޢަޒުމެއް ކުރަން
ޖަޒާކުމުالله ޚައިރަން
والسلام عليكم ورحمة الله وبركاته
No comments:
Post a Comment