ކުދިން ގާތު ނޫނޭ ކޭ ނުބުނެ ބުނެވިދާނެ ބައެއް ގޮތްތައް
ކުޑަކުދިން ކުރާ ކަންތައްތަކަށް ސީދާ "ނޫނެކޭ" ބުނުމުން އެކަމެއް ކުރަން އެކުދިން ފޫހިވެދާނެއެވެ. އަދި ނޫނެކޭ އެބުނަނީ ކީއްވެގެންކަން ވެސް އެ ކުދިންނަށް ނޭނގިދާށެއެވެ. ކުދިން ގާތުގައި ސީދާ "ނޫނެކޭ" ބުނުމުގެ ބަދަލުގައި ރީތިކޮށްބުނެވިދާނެ ތަފާތުގޮތްތަކެއްވެއެވެ. ތަންކޮޅެއް ބޮޑަށް ދަރިފުޅު ކުރަންއުޅޭކަމަކަށް ސަމާލުކަންދިނުމުން، ކުދިން މައިންބަފައިނަށް ކުރާއިތުބާރުބޮޑުވެއެވެ. ނަތީޖާއެއްގެ ގޮތުން އެކުދިންގެ ޙިޔާލުތަކާއި އިޙްސާސްތައް ހިއްސާކުރަންފަސްނުޖެހޭނެއެވެ. މައިންބަފައިނާ ކުދިންގެ ދެމެދު އޮންނަ ލޯބި އިތުރުވާނެއެވެ.
1: ދަރިފުޅާ ތިގޮތައްކަންތައްކުރަން މަންމަ ނުވަތަ ބައްޕައަށް އެހާކަމަކުނުދެއެވެ.
2: ދަރިފުޅު ތިބޭނުންވާކަމެއް ތަންކޮޅެއްބޮޑަށް ކިޔައިދޭށެވެ.
3: މަންމަ ނުވަތަ ބައްޕަ ދަރިފުޅަށް އެހީވާނަމެވެ.
4: ދަރިފުޅާ! ހިނގާ އެހެންގޮތަކަށް ތިކަންކުރަމާ!
5: ދަރިފުޅާ! ތިކަމާމެދު ތަންކޮޅެއް ފުންކޮށް ވިސްނަމާހިނގާ!
6: ދަރިފުޅާ! މިއޮތީ ތިކަންކުރެވިދާނެ އެހެންގޮތެއް!
7: ދަރިފުޅުގެ ޙިޔާލު މަންމަ ނުވަތަ ބައްޕަ އަޑުއަހާލަން ބޭނުމެވެ.
ތަރުޖަމާ: ނިޢުމާ މުޙައްމަދު
No comments:
Post a Comment